Sifjan

Stress, sprautur og hugarró !!!

Var í Reykjavík um helgina og þótti meira en nóg um... Smáralindin var gengin fram og til baka á laugardaginn og kortið reglulega notað (bara svona til að vera alveg viss um að það væri ekki bilað) .... Ikea var svo tekið fyrir á sunnudeginum og kortið líka notað þar... Skírn hjá Lútheri bróður á sunnudagsmorgninum og fékk drengurinn nafnið Árni Snær, fallegt nafn á gullfallegum strák.

Ferlega finnst mér Reykjavík erfið og leiðinleg, var frelsinu fegin þegar ég keyrði frá borg óttans á sunnudagskvöldinu, fann hvernig blóðþrýstingurinn lækkaði og púlsinn sló loksins aftur 80 slög á mínutu.

stykk1 Í kvöld fann ég sálarró, hef sjaldan fundið eins mikla sálarró. Ég fór í messu hjá St. Fransiskusystrum hérna á sjúkrahúsinu á Stykkishólmi. Þessi athöfn var alveg yndisleg, ég fékk frið í hjartað og fann hvernig kærleikurinn frá þeim systrum fyllti þessa litlu kapellu.

Börnin mín hafa það eins og best verður á kosið.. drengurinn er mættur til Jóhönnu og Fúsa... Fúsi er í miklu uppáhaldi hjá honum, þegar honum var sagt frá því á sunnudeginum að Fusi kæmi og næði í hann til Birgittu þá sagði hann YES YES !!! Brynja er bara fyrirmyndarunglingur hjá Fíu og Júlla.... og hún Eyrún mín er bara að gera sig hjá Sunnu sinni...

Var að klára bókina "sá einhverfi og við hin" eftir bloggvinkonu mína Jónu Á. Gísladóttur. Kláraði þessa bók á mettíma enda er aðalsöguhetjan í bókinni ferlega skemmtilegur einhverfur 10 ára strákur. Ég gef þessari bók 10 stjörnum af 5 mögulegum... Takk fyrir Jóna að deila litla gullmolanum þínum með okkur hinum, þeir eru bara einstakir ormar þessir einhverfu guttar, sérstaklega minn og þinn !!!!

Á morgun fer ég allavega í eina sprautu ef ekki tvær, það á að sprauta í fæturnar og svo á að hnykkja mig. Svo er verið að skoða fleiri sprautur í vikunni m.a. í bakið...

............JÁÁÁ SSSSÆÆÆLLLLLL ...

Flokkur: Bloggar | 3.11.2008 | 23:13 (breytt kl. 23:15) | Facebook